स्थापनेपासून भविष्याच्या दिशेने : देवल क्लबची सुवर्णगाथा

1883

करवीर गायन समाजची स्थापना

गोविंदराव देवल यांच्या पुढाकाराने कोल्हापुरातल्या संगीतप्रेमी रसिकांनी कोल्हापुरात गायन समाज देवल क्लबची स्थापना केली. आपण रुजवलेल्या या छोटाश्या रोपट्याचे एका वटवृक्षात रूपांतर होणार आहे याची त्यावेळी त्यांनी कल्पना देखील केले नसेल.

1890

कोल्हापुरातील पहिली संगीत शिकवणी

चिमणीच्या मिणमिणत्या उजेडात जिथे पहिल्यांदा रागदारीचे सूर आळवले गेले त्या संस्थेची आता कोल्हापुरात प्रशस्त इमारत असून, संगीत शिक्षणाचे शास्त्रीय पद्धतीने शिक्षण दिले जाते.

1893

देवल क्लबची स्थापना

संगीत संमेलनांच्या या मैफिलींच पुढे एका परंपरेत रूपांतर झालं. एका छोट्या संगीतप्रेमी समूहाने एकत्र आणलेले कलाकार, संगीत विषयक अभ्यासक आणि संगीताचे आश्रयदाते आजपर्यंत हिंदुस्तानी संगीताचा उत्सव साजरा करत आहेत.

1895

उस्ताद अल्लादियाखां देवल क्लबच्या प्रवासात सामील झाले

जयपूर घराण्याचे दिग्गज अल्लादियाखा यांनी देवल क्लबला एक नवीन आयाम दिला आणि त्याच बरोबर कोल्हापूरच्या गायकीला त्यांच्या स्वतःच्या विशेष गायन शैलीची ओळख करून दिली.

1916

'विनोद' पहिला नाट्यप्रयोग

नाट्यगृह उभे राहिले. देवल क्लबमध्ये आता नाटकाचे प्रयोग होण्यास सुरवात झाली, सामाजिक प्रश्नांवर तिरकस भाष्य करणारी नाटके सादर होऊ लागली ज्यामध्ये उद्याच्या चित्रपट विश्वातील उभारते कलाकार काम करू लागले.

1919

छत्रपती शाहू महाराजांनकडून जमीन मिळाली – त्यावर क्लबची इमारत उभी राहिली

क्लबच्या कामाची समाजासाठी असणारी गरज ओळखून आणि कामाचे स्वरूप पाहून शाहू महाराजांनी आवश्यक ती जमीन देवल क्लबला बक्षीस स्वरूपात दिली, ज्यामुळे क्लबला कायमस्वरूपी एक हक्काची जागा उपलब्ध झाली.

1921

संगीत शिक्षणाचे औपचारिक शिक्षण देणाऱ्या विद्यालयाची सुरवात

शिस्तबद्ध परंतु गुरु-कुल पद्धतीने शिक्षण देणारी संस्था उदयास येऊ लागली आणि महाराष्ट्रभरातुन विद्यार्थी शिक्षणासाठी येथे प्रवेश घेऊ लागले.

1946

करवीर गायन समाज आणि देवल क्लब यांचे विलीनीकरण

करवीर गायन समाज आणि देवल क्लब या दोन महत्वाच्या संगीत संस्था एकत्र आल्या आणि कोल्हापुरात एक अभिनव सांस्कृतिक प्रवाह निर्माण झाला.

1960

नाट्यदालनाला प्रायोगितेची झालर

क्लबच्या माध्यमातून आधुनिक कथाकथन, अभिजात नाट्यकला आणि समकालीन कथासूत्रांना एकत्र करून प्रायोगिक नाट्य विचार आणि सादरीकरण सुरु झाले.

1987

क्लबचा शताब्दी उत्सव

निधीच्या तरतुदीनंतर चार दिवसांचा शताब्दी महोत्सव उत्साहाने साजरा करण्यात आला जिथे दिग्गज कलाकारांनी आपली कला सादर केली आणि हजारो लोक त्याचे साक्षीदार बनले.